„Варија реар вју 820“ е најиновативното радарско задно велосипедско светло, создадено од компанијата „Гармин“, кое може да им помогне на велосипедистите да бидат посвесни и повидливи на патот.

Новото напредно следење на возилата ја детектира големината на возилото, страничното движење и ги категоризира нивоата на закана додека возилата се приближуваат одзади, а предупредувањата се прикажуваат на компатибилни велосипедски компјутери „гармин“ или на апликацијата за паметни телефони „Варија“, благодарение на помоќната и попрецизна радарска технологија.

Ова радарско задно светло е најсветлото досега и служи и како стоп-светло при забавување или запирање, така што велосипедистите можат да бидат сигурни дека се видливи за возачите. А со врвното траење на батеријата до 24 часа, велосипедистите можат да возат уште подолго со поголема свест и спокојство.

Напредно следење на возила

Кога возат со компатибилен велосипедски компјутер „Еџ“, или кога се поврзани со апликацијата за паметни телефони „Варија“, велосипедистите добиваат визуелни и звучни предупредувања кога возилата се приближуваат или менуваат ленти зад нив, заедно со одредување на нивото на закана, што укажува дали возилото што се приближува претставува поголема закана за велосипедистот врз основа на неговата брзина или траекторија. А со новото откривање на големината на возилото, возачите можат да добиваат визуелни предупредувања за големината на возилата што се приближуваат - мали, средни и големи - директно од нивниот компјутер или од апликацијата.

Поголем мир

Со пошироко видно поле, радарот може да детектира возила од неколку ленти подалеку и да ги предупреди велосипедистите. Моќната радарска технологија му овозможува на уредот да детектира возила на оддалеченост до 175 метри.

Извор: vidi.hr

Фото: YouTube screenshot