Харуки Мураками е еден од најпознатите модерни писатели. Тој е роден во Јапонија во 1949 година, а освен пишувањето, ги сака и трчањето и музиката. Кога станува збор за неговите литературни инспирации, на својата веб-страница има наведено 5 омилени книги кои имале најголемо влијание врз него.
Френсис Скот Фицџералд - „Големиот Гетсби“ (англ. The great Gatsby)
Според Мураками, доколку мора да одбере една книга која му значи најмногу, тоа би била оваа.
- Да не беше овој роман, не би пишувал така како што пишувам денес, а можеби не би пишувал воопшто, иако тоа не е сосема сигурно - напишал Мураками.
Рејмонд Чендлер - „Долго збогување“ (англ. The long goodbye)
Мураками ги превел сите романи на Рејмон Чендлер и вели дека го обожава неговиот стил. Кога станува збор за оваа книга, Мураками вели дека ја прочитал пет или шест пати.
Франц Кафка - „Замок“ (англ. The castle)
Мураками првпат се запознал со работата на Кафка кога имал 15 години, и тоа преку оваа книга.
- Тоа е една голема, одлична книга. Просто ме шокира. Светот кој Кафка го опишува во оваа книга ми беше толку реален и нереален истовремено што ми се чинеше дека срцето и душата ми се скинати на два дела - напишал Мураками.
Фјодор Достоевски - „Браќа Карамазови“
Поголемиот дел од писателите имаат послаби дела како што стареат, но тоа не е случајот со Достоевски. Неговите дела станувале подобри со времето, а оваа книга ја напишал кон крајот на своите 50-ти години, напишал Мураками.
Џ. Д. Селинџер - „Игра во 'ржта“ (англ. The catcher in the rye)
Ова е мрачна и вознемирувачка приказна, но Мураками уживал во неа кога имал 17 години, па дури и ја превел. - Се сеќавам дека беше смешна, но мрачна и впечатлива. Мора да не сум бил најсреќен кога сум бил млад - напишал Мураками.
Освен тоа, Мураками на својата веб-страница како главни литературни примери ги наведува Рејмонд Чендлер, Курт Вонегат и Ричард Бротиган.
Извор:
Nezavisne
Насловна фотографија:
Wikipedia