Хонгконг речиси без исклучок го зазема првото место на светските листи со градови со најдобро организиран јавен превоз, а тоа не е случајно. Постојат неколку причини за ваквиот успех поради што овој град е пример за ефикасност, пристапност и урбан транспорт.

Јавниот превоз - клучен фактор за квалитетен живот

Јавниот превоз е една од најважните работи што влијаат врз квалитетот на живот во еден град. А според задоволството на корисниците, развиеноста и ефикасноста на мрежата, Хонгконг се смета за град со најдобар јавен превоз во светот.

Главни конкуренти му се други азиски метрополи, како Шангај и Пекинг, но и скандинавските земји и Швајцарија. Остатокот од светот, пак, сè уште се соочува со доцнења, метежи и расправии околу тоа дали прво треба да излезат патниците од возилото или да влезат нови.

Што го прави јавниот превоз во Хонгконг толку добар?


Метро-системот во Хонгконг, познат како „Масовна транспортна железница“, е еден од технолошки најнапредните подземни системи во светот. Секојдневно се реализираат околу 10 милиони патувања, а возовите сообраќаат толку често што времето на чекање ретко кога надминува неколку минути, дури и во најголемите метежи.

Оваа железница е поврзана со сите други видови јавен превоз: автобуси, трамваи, траекти, па дури и патувања до аеродромот. Патниците имаат можност за бесконтактно плаќање, што значително го намалува метежот и го забрзува протокот на луѓе. Интересен факт е дека оваа транспортна железница е единствениот подземен систем во светот каде што платформите се оградени со стакло, односно имаат стаклени врати, што придонесува за поголема безбедност.

Системот се состои од 166 станици, при што доцнењата и прекините се сведени на минимум. Благодарение на ефикасниот јавен превоз, Хонгконг бележи многу ниска стапка на поседување автомобили. Градот е приспособен за пешаци, што го прави не само функционален, туку и пријатен за живот.

Извор: Punkufer.dnevnik.hr
Фото: Wikipedia