X
 19.03.2015 Образование

ФОН прослави 12 години од неговото постоење

Универзитетот ФОН прослави 12 години од своето постоење со одржување на денешната свечена академија по тој повод.
 

Универзитетот во изминатите 12 години прерасна во најголемиот приватен универзитет на Балканот со повеќе од 7000 студенти на четри депанданси во Скопје, Струга, Струмица и Гостивар.  Како општествено одговорна институција Универзитетот стипендираше повеќе од 2000 млади луѓе за прв и втор циклус на студии кои денес прераснаа во вистински професионалци во својата професија.


Говорејќи за иднината Претседателот на Управниот одбор на универзитетот  М-р Сефер Цаноски истакна:

- “Македонија е мала земја без излез на море, слаба инфраструктура и голема невработеност. Единственото поле за битка кое го имаме со останатите земји кои се повисоко рангирани се младите умови. За нас единствена опција е да инвестираме во интелектуален капацитет, вложување во иновација и да ги стимулираме квалитетот.

Зборувајќи за високото образование во Македонија и регионот најави неколку новини меѓу кои заеднички студии со Политехнико ди Милано, неколку универзитети од Р.Турција, нови факултети од областа на оштествени и природни науки  за додипломски и последипломски студии.

Имајќи ги во предвид можностите кои ги нуди глобализацијата на образованието и се поголемиот број на странски студенти кои студираат на ФОН Цаноски истакна дека станбениот центар Космос ќе биде преструктуриран во Универзитетски град и ќе биде изграден како футуристичка архитектонска целина чија цел ќе биде за прв пат во Македонија да етаблира студентски кварт во главниот град за повеќе од 3000 студенти.  Во рамките на комплексот ќе бидат понудени најквалитени услуги за студените, простор за дообука, рекреација и иновација.
Тагови:

Популарно

24 часа 7 дена 1 месец

Издвојуваме

Слични вести од Fakulteti.mk

Образование