Силициумската долина се наоѓа среде војна во поглед на вештачката интелигенција. Гиганти како „Facebook“ и „Google“ се обидуваат да се надминат меѓусебно со развивање системи кои вклучуваат автоматско и машинско учење.
Нова организација наречена „Open AI“, зад која стои Илон Маск и неколку други инженери, има цел да поттикне користење на вештачката интелигенција за позитивно влијание на човештвото, а во меѓувреме нема да се грижи за профитот.
Маск, извршен директор на „SpaceX“ и „Tesla“, извести за новата непрофитна организација на „Twitter“.
Организацијата започнува со работа со фонд од 1 милијарда долари донирани од Сем Алтмен, Илон Маск, Рајд Хофман и Питер Тил. Организацијата е непрофитна за да се овозможи поголема флексибилност во работата и истражувачите подобро да се фокусираат на позитивното влијание на човештвото.
Сè на што ќе се работи во организацијата ќе биде објавено во јавноста и сите патенти ќе бидат достапни за користење од страна на секого.