Факултетот за информатички науки и компјутерско инженерство – Скопје (ФИНКИ) на 30-ти март го одбележа својот шести роденден. На свеченоста им беа врачени награди на најдобрите студенти со средна оценка над 9,5. Исто така, беа доделени и дипломи на сите завршени и магистрирани студенти од 2016-та година.
На настанот присуствуваше Министерот за информатичко општество и администрација Марта Арсовска Томовска. Генерален спонзор на настанот и наградите за најдобрите студенти беше компанијата Мусала Софт, а настанот го поддржа и компанијата Allocate Software.
Факултетот за информатички науки и компјутерско инженерство (ФИНКИ) е формиран во 2011 година, во рамките на Универзитетот „Св. Кирил и Методиј“ во Скопје (УКИМ). ФИНКИ како дел од УКИМ е најголем и најпрестижен ваков факултет во Македонија, а исто така е и меѓу најголемите факултети за информатичка технологија (ИТ) во регионот.
Повеќе фотографии од настанот на ОВОЈ ЛИНК