Во сегашно време постојат повеќе начини на кои може да се совладаат нови вештини, а за тоа нема подобро место од интернетот. Ова се 7 веб-страници на кои можете да посетувате бесплатни онлајн-курсеви и да се збогатите со вештини.


1. „edX“

Сте се запрашале ли некогаш како би било кога би студирале на „Харвард“ или МИТ? Со “edX“ можете да го сторите тоа. Оваа веб-страница е основана од двата универзитета за да се обезбеди глобален пристап кон квалитетно образование и поврзување на студентите од целиот свет. Можете да следите курсеви од над 1.300 предмети.

2. „Udacity“

Оваа веб-страница нуди курсеви поврзани со софтвер инженеринг, развој на веб-страници, виртуелна реалност, анализа на податоци и слично. Курсевите се во соработка со успешни компании, како што се „Фејсбук, „Амазон“ и „Гугл“.

3. „Code Academy“

На оваа веб-страница има курсеви и за почетници и за напредни ученици. Поделени во пет категории, преку курсевите ќе научите како да кодирате.

4. „Alison“

800 бесплатни курсеви кои се креирани во партнерство со одлични институции од познати универзитети, како „Кембриџ“ и компании како „Мајкрософт“.

5. „Google: Digital Garage, Analytics Academy and Academy for Ads“

Дигитален маркетинг и платформи за да научите како најдобро да ги искористите алатките на „Гугл“. Можете да добиете сертификат од „Гугл“ по завршувањето на секој од курсевите.

6. „Creative Line“

На веб-страницата има пет канали каде што 24 часа, 7 дена во неделата има бесплатни часови во живо. Фотографија, видео, уметност и дизајн. Погледнете ја платформата и видете што се нуди.

7. „Khan Academy“

Застапени се неколку предмети, но фокусот е на математиката.