„Инстаграм“ сега на корисниците им допушта да испраќаат фотографии и видеа преку директни пораки кои исчезнуваат засекогаш откако ќе ги погледне другата личност, пишува „Индипендент“.

Овој потег на „Инстаграм“ им овозможува на корисниците поголема контрола над пораките што ги испраќаат, но им отвора можност да испраќаат и поинтимни пораки.

За да испратите еднократна фотографија или видео, отворете приватна порака и вклучете ја камерата од телефонот. Потоа снимете фотографија или видео, па одберете ја опцијата „One View“. Таа ќе ви се прикаже на дното од екранот пот копчето „Send“.

Фотографијата и видеото не мора да бидат од еднократна природа. Можете да ги направите достапни во времетраење од 24 часа, но и на неодредено време. Претходно имаше можност фотографиите и видеата кои се испраќаа во директна порака да се погледнат повеќе од еднаш. А потоа автоматски исчезнуваа.

Според пишувањето на „Тек Кранч“, „Инстаграм“ ги воведе опциите „One View“ и 24 часа во ноември минатата година, додека опцијата за трајно задржување на фотографиите и видеата во разговорите – во јануари годинава.

Имплементацијата на опциите се случува постепено, а до неодамна „Инстаграм“ не објавуваше кога опциите стануваа активни за сите корисници.