Бајкалското Езеро е слатководно езеро во јужниот дел на Источен Сибир. Долго е околу 636 километри, со просечна ширина од 48 километри и зафаќа површина од 31.500 квадратни километри. Се наоѓа на надморска височина од 454 метри. Сместено во тектонска долина, опкружено со планини, тоа е најголемото езеро со слатка вода во Азија и во Европа, и е најдлабокото езеро на Земјата, 1.642 метри.

Исто така, содржи петтина од вкупното количество свежа вода на Земјата, дури 23.000 кубни километри. 336 помали и поголеми реки придонесуваат за оваа количина. Биодиверзитетот е составен од околу 1.500 видови, од кои околу 80 отсто се ендемични. Поради ова, езерото се наоѓа на списокот со светско природно наследство на УНЕСКО од 1996 година.


Бајкалското Езеро е замрзнато од јануари до средината на мај. Телескопот е составен од оптички сензори спуштени во правоаголни дупки во мразот и тој всушност не е нов концепт бидејќи „Ајс куб“, сличен американски уред, веќе бара неутрини на Антарктикот.

- Бајкалското Езеро е единственото езеро каде што можете да поставите неутрински телескоп поради неговата длабочина - вели Баир Шојбонов од Институтот за нуклеарни истражувања, додавајќи дека транспарентноста на водата е исто така важна, како и фактот дека станува збор за слатководно езеро.


Русите патуваат по три илјади километри за да стигнат до големото езеро, возејќи автомобили по неговата замрзната површина. Така Русија го запозна сопствениот феномен, создаде туристичка сезона за која воопшто не се надеваше, особено дека повеќето гости ќе бидат домашни. Во периодот кога Кинезите го посетуваа езерото, се лизгаа, возеа велосипеди, се искачуваа, трчаа и скијаа по езерото и околните планини.

- Никој не очекуваше ваква сезона, која не е како никоја досега, со толку многу туристи, особено локалното население. Луѓето што работат тука се во шок - вели Јулија Мусинска, директорка на Историскиот музеј на Олхон, најголемиот остров на Бајкалското Езеро.