Утре во Музејот на тетовски крај, во 19 часот, ќе биде отворена изложбата на фотографии на Нихад Нино Пушија. Изложбата е во организација и покровителство на фотогрупата „Чкрап!“, Националната установа Музеј на тетовски крај и „Pan IT & Print“.

Пушија е уметнички фотограф, роден во Сараево, Босна и Херцеговина. Неговата работа се фокусира на документарната и портретната фотографија и има цел да го долови босанскиот идентитет во Берлин и на други локации во Европа. Темите на кои тој се фокусира во работата се политика на признавање, позиции на малцинствата во современата уметничка и кураторска практика, Југоисточна Европа, бегалци, разрешување конфликти, интеграција, Роми и Синти во Европа.