„Чудовиште: Приказната за Лизи Борден“ го зазеде првото место на топ-10 листата на „Нетфликс“ со најгледани серии на англиски јазик по премиерата минатата недела, со 12,2 милиони прегледи во првите четири дена од прикажувањето.
Со тоа, новата сезона на антологиската серија „Чудовиште“ на Рајан Марфи се приближи до резултатите на претходните две сезони. Главните улоги ги толкуваат Ела Бити, Вики Крипс и Чарли Ханам.
Заробена во сурово семејство од викторијанската ера, Лизи Борден ги убива своите родители со секира, убиство што ја шокира целата нација, пишува во синопсисот.
„Чудовиштето од Фиренца“ оствари 12,2 милиони прегледи во првите четири дена од прикажувањето во 2025 година, додека „Приказната за Лајл и Ерик Менендез“ во истиот период во 2024 година забележа 12,3 милиони прегледи.
Првата сезона, „Дамер - Чудовиште: Приказната за Џефри Дамер“, и понатаму има значително повеќе прегледи. Серијата премиерно беше прикажана во 2022 година, пред „Нетфликс“ да започне да ги рангира своите наслови според бројот на прегледи, но во првите четири дена оствари 196,2 милиони часа гледање, што одговара на 22,3 милиони прегледи.
И понатаму е седма најпопуларна телевизиска серија на „Нетфликс“ на англиски јазик на сите времиња. Според „Нетфликс“, франшизата „Чудовиште“ остварила речиси 170 милиони прегледи низ сите сезони.
10 најгледани серии на „Нетфликс“ во моментов
На листата на „Нетфликс“, зад „Приказната за Лизи Борден“ се најде серијата „Девојката од екипажот“, која од 14 до 20 септември го зазеде второто место со 11,3 милиони прегледи. Со тоа речиси го двојно го зголеми бројот од 5,2 милиони прегледи во првата недела.
Фото: Netflix
Третото место го зазеде втората сезона на серијата „Џентлмени“, која во третата недела на листата оствари 6 милиони прегледи. Во меѓувреме, првата сезона на серијата се најде на 5. место со 3,4 милиони прегледи.
Помеѓу нив, на 4. место дебитира 14. сезона на серијата „Куќичката на Габи“, која оствари 4,3 милиони прегледи. Топ-10 листата на „Нетфликс“ се однесува на периодот од 14 до 20 септември.
Извор:
Klix.ba
Фото: Screenshot/YouTube