Стивен Кинг, мајсторот за хорор-приказни, е голем обожавател на „Игра на троновите“. Тој го сподели своето мислење на твитер-профилот пред финалето на оваа епизода, што предизвика многубројни реакции на социјалните мрежи.
- Пред вечерашната епизода на „Игра на троновите“, голема благодарност до Џорџ Р. Р. Мартин, Дејвид Бениоф и Ден Вајс за создавањето 8 сезони магична фантазија и човечка драма. Малку серии може да се наречат револуционерни. Оваа е една од нив. Момци, закон сте - напиша Кинг пред прикажувањето на последната епизода од серијата, а потоа го даде својот коментар, споделувајќи ја објавата на Скот Вон Довиак, која гласи:
- Не ме интересираат претпродолженијата, но веројатно би го гледал „Арија: Западно од Вестерос“ - на кое Кинг го додаде својот коментар: - И јас.
Кинг и претходно имаше изјавено дека осмата сезона го воодушеви, иако се најде на удар на многу критики.
- Мислам дека тоа е само затоа што луѓето не сакаат да заврши. Но, знаете како се вели: „На сите добри работи...“ - напиша претходно.
На инстаграм-профилот на Емилија Кларк, пак, актерката се збогува со серијата и ги расплака фановите.
Пред прикажувањето на последната епизода таа објави емотивна порака на која фановите не останаа рамнодушни.
- Додека барав зборови за пишување на овој пост, останав затекната од фактот колку работи сакам да кажам, а колку зборовите малку влијаат во споредба со она што оваа серија и Дени ми значат мене.
Поглавјето „Мајка на змејовите“ беше присутно и го презеде целиот мој живот како возрасна личност. Оваа жена го зазеде целото мое срце. Се потев во огнениот пламен на змејовите, плачев по оние што порано си заминаа од нашето семејство, и мајсторски се обидував да ја одглумам Калиси и неверојатните зборови, дела (и имиња) што ги добив.
„Игра на троновите“ ме обликуваше како жена, како актерка и како човечко суштество. Само посакувам мојот драг татко да беше тука да види колку далеку летнав. Но вам, драги, љубезни, магични фанови, ви се заблагодарувам на вашето постојано следење на она што го создадовме и она што го направив со ликот што веќе беше во срцата на многумина пред јас на себе да ја ставам платинестата перика на соништата. Без вас нема нас.
А сега, нашата стража заврши - пишува Кларк на нејзиниот инстаграм-
профил.