Пристигна првиот дел од последната сезона на серијата „Круната“ (The crown), а она што особено ги интересира гледачите е дали настаните во епизодите навистина се случиле. Авторот на серијата, Питер Морган, често посочувал дека серијата е драматизација, а понекогаш и фикционализација на настаните од реалноста.

Роденденската забава за Камила

Новата сезона го прикажува Чарлс како приредува голема роденденска забава за Камила и ја убедува неговата мајка да присуствува. Сепак, таа не го прави тоа. Меѓутоа, поголемиот дел од ова не е вистина. Иако Чарлс сигурно приредил забава за Камила, новинарите не биле поканети и никогаш не се мислело дека кралицата ќе се појави, а не се појавила ниту принцезата Маргарет.

Доди бил свршен пред да ја запознае Дијана

Ова е точно. Доди бил свршен со американската манекенка Кели Фишер, а купил и куќа во Малибу каде што требало да се преселат по венчавката. Тие биле во Париз три недели пред несреќата.


Чарлс им викал на вработените бидејќи Дијана била на насловните страници

Сцената во која Чарлс нервозно им вика на вработените бидејќи насловните страници се полни со фотографии од Дијана веројатно никогаш не се случила.

Кели Фишер била во Сен Тропе

Фишер била на јахта во близина на онаа на која се наоѓале Дијана и Доди. Фишер подоцна рекла дека чувствувала дека Доди ја крие на јахтата, а Дијана веројатно не била свесна дека таа е таму.

Доди ја запросил Дијана пред несреќата

Доди немал време да ја запроси Дијана пред несреќата, иако купил прстен. Тој го купил прстенот непосредно по нивното пристигнување во Париз.

Краткото исчезнување на Вилијам

Не е вистина дека принцот Вилијам исчезнал во период од 14 часа, како што е прикажано во серијата. Принцот никогаш не одел никаде без придружба.


Извор: Klix
Насловна фотографија: Facebook