За овогодишниот тематски Меѓународен натпревар за фотографии од креативците беше побарано да ја достават својата најдобра фотографија на која е прикажано некакво движење. Резултатите се неверојатен поглед на тоа како овој навидум едноставен концепт може да носи широк спектар на резултати.
Илјадници фотографи ги доставија своите слики, а победата ѝ припадна на канадската фотографка Ен Мејсон-Хортер.
Нејзината фотографија наречена „Диви моркови“ ја освои и највисоката награда во категоријата висока уметност, а користи необична техника. Ен всушност ги одвојува растенијата и го скенира секое делче, а подоцна ги преклопува и комбинира со фотографиите што ги прави. Неверојатната фотографија е моќен и елегантен изглед на движењето на природата.
- Идејата дека сè се движи, сè се менува и се развива е толку одличен концепт што треба да се истражува преку фотографијата. Инспиративно е да се види како фотографите од сите нивоа на експертиза го фатија овој концепт во многу форми - универзални, апстрактни, човечки и машински. И покрај тоа што се чини дека целата планета е речиси во мирување, преку овие
фотографии можеме да видиме дека животот продолжува - вели Хусеин Фармани, основач и претседател на натпреварот.