Македонската репрезентација во компјутерската игра „Кантер страјк“ го освои првото место на Европскиот куп на нации. Првпат во историјата на Македонската еспорт федерација и македонската CS:GO сцена, освојуваме прво место на меѓународен настан.
- Би сакале да им честитаме на нашите момци за успехот и да им посакаме повеќе среќа на претстојното Светско првенство, каде што се надеваме дека повторно ќе нè израдуваат - велат од Македонската еспорт федерација.
Победничкиот тим на Европскиот куп го сочинуваа: Јане "aidKiT" Апостолоски, Дамјан "kyxsan" Стоилковски, Даниел "dan1" Глигоров, Павле "stYleEeZ" Стојановски, Кристиан "Cryveng" Трпкоски.
фото:
Фејсбук-страница на Македонска еспорт федерација