Благодарение на својата уникатна географска положба, Португалија навистина може да има корист од обновливите извори на енергија. Може да се пофали со над илјада километри брег, над 300 сончеви дена годишно, а кога е облачно, може да дуваат силни ветрови. Тоа придонесе Португалија да функционира на 100 отсто обновлива енергија шест дена по ред, што дава надежна слика за иднината.

На 27 октомври, најголемата енергетска компанија „Редес енергетикас национаис“ објави дека условите на ветер и бранови го создаваат целокупното снабдување со енергија на Португалија. Иако првично се надеваа дека ќе траат цел ден, условите продолжија уште пет дена. Во одредени периоди производството на чиста енергија беше толку високо што португалските мрежи извезуваа енергија во соседна Шпанија.

Со население од 10 милиони луѓе, да се напојува целата земја со обновлива енергија е за пофалба.  Имало 149 часа производство на обновлива енергија. Од нив, 95 часа Португалија извезувала енергија во шпанските мрежи. Ова е во согласност со нивното претходно достигнување во март 2023 година, кога обновливите извори генерираа 103 отсто од вкупната потрошувачка на енергија.

Засега, смирувачко е и тоа што електричните мрежи се доволно сигурни за да работат и со традиционална и со чиста енергија.

- Клучниот заклучок покажува дека португалската мрежа е подготвена за многу високи удели на обновлива електрична енергија и за нејзините очекувани варијации: успеавме да управуваме и со наглото зголемување на производството на хидро и ветер, а исто така и со враќање на помал удел на обновливите извори на енергија, кога повторно беше побарано од електрани со природен гас да обезбедат дел од побарувачката на земјата - изјави Мигел Прадо, новинар кој го покрива енергетскиот сектор на Португалија.