Џулиус Кахконен е млад фотограф, визуелен уметник и претприемач од Финска. Неговиот уникатен стил на едитирање и фотографирање резултира со фотографии што многумина би ги опишале како сон.
Кахконен почнал со едитирање во 2017 година и низ годините развил уникатен и привлечен стил. Додека патувал низ целиот свет, правејќи стотици
фотографии, тој создал импресивно портфолио кое подоцна го претворил во кариера.
- Создавам уметност и сакам да им помагам на другите - вели тој на својот инстаграм-профил.
Фотографот сега ги учи другите луѓе како да постигнат вакви зачудувачки визуелни ефекти преку курсеви за различни аспекти на фотографијата и едитирањето.
- Почнав со фотографирање кога една вечер ја зедов камерата на татко ми при зајдисонце и веднаш ме привлече фотографирањето. Потоа се уморив од фотографирање затоа што живеев во град со 3.000 луѓе и не можев да најдам добри места за фотографирање - вели тој.
Фото: Instagram
- Верувам дека мојот стил се разви на почетокот преку цртање слики - вели тој. Исто така, тој открива дека развил уникатен стил вежбајќи секојдневно.
- Кога почнав, потребни ми беа 6-9 часа да завршам едно дело. Преку секојдневна практика успеав да го минимизирам времето на едитирање за помалку од еден час - вели Џулиус.