Преку овој метод се прочистуваат карбон депозитите кои се таложат од страна на горивото при внатрешно согорување и на тој начин моторот работи посмирено, а цилиндрите на моторот продишуваат. Оваа пракса треба да е редовна, доколку возачите се грижат за својот автомобил или товарно возило затоа што на овој начин се намалува потрошувачката на горивото, од една страна, а од друга страна, се продолжува векот на работата на моторот.

Некои велат дека декарбонизацијата е спа за автомобилот, други дека ваквото прочистување е неопходно, а од Глобал мото сервис - ГМС, лиценцирана компанија која користи апарати произведени во Европа и која ја организир оваа презентација, сметаат дека идните машински инженери задолжително треба да ги знаат новите технологии за одржување на моторите со цел да можат да дојдат до подобри резултати и да им го пренесат знаењето на редовните корисници на моторни возила. Оваа процедура, покрај тоа што е грижа за автомобилот, е воедно и грижа за околината.

 ГМС продолжува со едукативна кампања за широката јавност во насока на објаснување за декрабонизацијата, охрабрувајќи ги корисниците на моторни возила редовно да ја применуваат.