Последната епизода од серијата на „Игра на троновите“ нема да ги задоволи сите фанови, а тоа не е ни возможно. Токму тоа го потврди и актерот Кит Харингтон, кој го глуми Џон Сноу.

Харингтон го заврши снимањето на серијата и веќе го наговести самиот крај.

-Завршувањето на серијата што се прикажуваше 8-9 години беше доста тешко. Мислам дека за многу нема да биде среќен крај, но не може сите да бидат задоволни - вели актерот.

Тој наведува дека неговите омилени серии „Сопранови“, „Брејкинг Бед“ и „Д Вајр“ токму така и завршиле.

-Не беа сите задоволни со последните епизоди од овие серии - додава тој.