- Предуслов за читање добри книги е да не читаме лоши затоа што животот е краток - напишал Артур Шопенхауер, германскиот филозоф од 19 век. Иако денешните луѓе живеат подолго од неговите современици, бројот на книги што постојат денес е зголемен за десет пати. Затоа неговата порака денес е уште поважна.

Со таа реченица познатиот песимист покажал редок оптимизам: верувал дека читателите можат јасно да разликуваат кои книги навистина вредат. Денес тоа е сè потешко. Идејата за „литературен канон“ се доведува во прашање, критичарите ја изгубија поранешната моќ, а рецензиите стануваат сè поретки. Во таков свет, секој си гради свој личен список со омилени книги.

Сепак, потребата за селекција останува. Препораките станаа речиси исто толку популарни како и самите книги. Улогата на литературните критичари ја презедоа инфлуенсерите на „Букток“. Милиони читатели ги оценуваат книгите на „Гудридс“, а новата апликација „Рибајнд“ овозможува анализа на класиците со помош на вештачка интелигенција. Дури и магазинот „Економист“ повремено објавува листи со највредни наслови.

Како да се одбере што вреди да се прочита? Еден паметен начин е да се види кои книги најчесто се појавуваат на различни листи. Токму тоа го направи веб-страницата „thegreatestbooks.org“, чиј автор Шејн Шерман собрал над 300 значајни листи и составил рангирана, обединета топ-листа насловена со иронија: „Најголеми книги на сите времиња“ (GBOATs – Greatest Books of All Time).

Во продолжение е дадена листата со првите 20 романи, најмногу вреднувани во историјата на книжевноста, со точен наслов, автор, година на објавување и приближно време потребно за читање:

1. „Сто години самотија“, Габриел Гарсија Маркес (1967) - 7 часа и 40 минути
2. „Големиот Гетсби“, Ф. Скот Фицџералд (1925) - 2 часа и 51 минута
3. „Улис“, Џејмс Џојс (1922) - 14 часа и 54 минути
4. „Ловецот во ’ржта“, Џ. Д. Селинџер (1951) - 4 часа и 36 минути
5. „1984“, Џорџ Орвел (1949) - 5 часа и 35 минути
6. „Во потрага по изгубеното време“, Марсел Пруст (1913) - 3 дена, 3 часа и 47 минути
7. „Лолита“, Владимир Набоков (1955) - 6 часа и 5 минути
8. „Да се убие птицата-подбивница“, Харпер Ли (1960) - 5 часа и 35 минути
9. „Моби Дик“, Херман Мелвил (1851) - 11 часа и 59 минути
10. „Гордост и предрасуди“, Џејн Остин (1813) - 7 часа и 15 минути
11. „Оркански височини“, Емили Бронте (1847) - 6 часа и 37 минути
12. „Дон Кихот“, Мигел де Сервантес (1605) - 23 часа и 54 минути
13. „Злосторство и казна“, Фјодор Достоевски (1866) - 11 часа и 28 минути
14. „Ана Каренина“, Лав Толстој (1877) - 19 часа и 36 минути
15. „Плодовите на гневот“, Џон Стајнбек (1939) - 10 часа и 25 минути
16. „Војна и мир“, Лав Толстој (1869) - 1 ден, 7 часа и 28 минути
17. „Господарот на прстените“, Џ. Р. Р. Толкин (1954) - 1 ден, 7 часа и 13 минути
18. „Квака 22“, Џозеф Хелер (1961) - 10 часа и 33 минути
19. „Госпоѓа Бовари“, Гистав Флобер (1857) - 6 часа и 36 минути
20. „Џејн Ејр“, Шарлот Бронте (1847) - 10 часа и 25 минути

Извор: Bizlife.rs
Фото: Freepik