Сите матуранти кои се заинтересирани своето образование да го продолжат на некој од факултетите на најстариот и најдобриот универзитет во државата, в четврток, на 6 април ќе имаат можност да разгледаат што точно нуди Универзитетот „Св. Кирил и Методиј". На платото на универзитетот, сите факултети и институти ќе постават свои штандови на кои матурантите ќе можат да се запознаат со студиските програми и се` што ги интересира во врска со студиите.
На големиот хепенинг ќе настапуваат „Спарклес", изведувачи од мјузиклот „Тајно моја", а свој концерт ќе имаат и бендови од Факултетот за музичка уметност. Штандовите ќе бидат изложени од 10 до 16 часот.
Според националната ранг-листа на универзитети, УКИМ веќе неколку години по ред е на првото место.
ГАЛЕРИЈА - ОТВОРЕН ДЕН УКИМ 2016