Универзумот е преполн со работи што се или премногу големи или премногу мали за да бидат видливи со голо око. Потребна е моќна технологија - огромни телескопи или електронски микроскопи - за да се претворат овие предмети во големина што всушност ќе можеме да ја разбереме.

Затоа фотографијата создадена од Дејвид Надлингер од Универзитетот во Оксфорд е толку импресивна. Тој успеал да создаде слика од атом користејќи обична камера, а резултатот е импресивен.

Ако погледнете внимателно, ќе може да забележите еден стронциум јон во центарот на оваа јонска стапица, помеѓу врвовите на двете „игли“ електроди. Врвовите на иглите се одделени за 2,3 милиметри.

Она што го гледате е позитивно наелектризиран атом на стронциум (познат како стронциум јон), суспендиран во електрични полиња што зрачат од металните електроди околу него. За да добиете чувство колку е мала оваа слика, растојанието помеѓу двете игли е околу 2 милиметри.

Кога ваквите јони се осветлени со вистинска боја на сино-виолетов ласер, тие ги апсорбираат светлосните честички и ги емитуваат веднаш назад. Надлингер сфатил дека ако го постави својот фотоапарат со доволно долго изложување, можеби ќе може да го фати овој момент на емисија на светлина во дигитална слика.

„Идејата да се види еден атом со голо око ме погоди бидејќи станува збор за директен и визуелен мост помеѓу минималниот квантен свет и нашата макроскопска реалност“, вели тој.

Во февруари сликата на Надлингер ја освои првата награда во петтиот годишен натпревар за научна фотографија одржан од Научниот истражувачки совет на инженерство и физички науки (ЕПСРЦ).

„Секоја година сме воодушевени од квалитетот и креативноста на сликите што влегуваат во конкуренција. Оваа година не е исклучок. Сликите покажуваат дека нашите истражувачи сакаат да му ја покажат на светот убавината на науката и инженерството“, вели професорот Том Роден. ТУКА можете да ги видите победниците.