Еден од најлуксузните возови во светот, легендарниот „Венис Симплон-Ориент експрес“, честопати едноставно наречен „Ориент експрес“, најави нова, спектакуларна маршрута. Ќе ги поврзе Париз и крајбрежјето Амалфи во Италија, со првото заминување на 4 мај 2026 година. Ова е првпат историскиот воз да воведе маршрута до овој дел од Италија, овозможувајќи им на патниците да ги доживеат раскошот, историјата и природната убавина на уникатен начин, во стилот на златната доба на патувањето.

Невиден луксуз

Возот е познат по својата врвна услуга, одлична кујна и зачувани вагони во арт деко стил од 20-тите години. Ги комбинира сите елементи на луксузно патување: возење со легендарниот воз, ноќевање во врвен хотел и внимателно дизајнирани екскурзии.

Патувањето започнува во Париз, каде што патниците се качуваат во препознатливите темносини вагони и се пречекуваат со чаша шампањ. Возот нуди три вида кабини: историски двојни кабини, апартмани и големи апартмани.

Историските двојни кабини се најкласичната форма на сместување во воз, со компактни простори со дрвени панели, каде што седиштата се претвораат во кревети на кат навечер, а во кабината има само мијалник (целосни бањи има на крајот од вагонот за спиење).

Гранд апартманите се најпространи и најлуксузни, со приватни мермерни бањи, посебни места за седење и трпезарија и дизајнерски елементи инспирирани од одредени градови.

По ноќно патување низ Франција и Италија, возот пристигнува во Помпеја, каде што гостите можат да уживаат во приватна тура низ археолошкото наоѓалиште. Потоа следува возење со брод по живописниот брег до Карузо, хотел Белмонд во Равело, сместен во поранешна палата од 11 век.

Сместување и искуства

Пакетот вклучува една ноќ во возот и две ноќевања во хотелот „Карузо“. Видот на сместување зависи од видот на кабината резервирана во возот. Оброците во возот се одлични, вклучувајќи појадок, ручек и вечера со избор на сомелиерски вина. Во хотелот „Карузо“ гостите појадуваат секое утро, добиваат аперитив и вечера во ресторанот „Карузо Грил“ една вечер, а гала-вечера со локална храна и кулинарска претстава следната вечер.

Ексклузивни активности

Воз што пишува историја

„Ориент експрес“ е веќе признат како еден од најдобрите возови во светот. Покрај новата линија до крајбрежјето Амалфи, возот нуди и други маршрути како што се Париз - Портофино, Париз - Будимпешта и Женева - Венеција, при што цените варираат во зависност од маршрутата и нивото на луксуз во кабината.

Со воведувањето на оваа нова маршрута до крајбрежјето Амалфи, „Ориент експрес“ дополнително го зацврстува својот углед како култен и најлуксузен воз во Европа, нудејќи им на патниците незаборавно искуство во срцето на италијанската идила.

Извор: journal.hr

Фото: Belmond screenshot