Колку влијателни луѓе дала битолската гимназија „Јосип Броз Тито“ во еден и пол век, што нуди веб-страницата „Наука за сите“, како готвачот Бранко Попоски од Вевчани стигна да готви за американскиот амбасадор... Ова се темите што ги истражувавме изминатата недела.
Стрип-центарот во Велес успешно ја популаризира деветтата уметност кај младите. Стрипот како деветта уметност, која во себе носи древен јазик на ликовно изразување, е меѓу најстарите визуелни медиуми во светот и на различни начини влијаел врз општата култура во светот.
Бранко Попоски од Вевчани е финансиски и маркетинг-менаџер и пасиониран вљубеник во готвењето. Ја раскажуваме приказната за неговото кулинарско патување од родното Вевчани до денес, кога е познат кулинарски блогер и јутјубер, со свое готвачко интернет-шоу „Готвење со Бранко“ и кој стои зад проектот „Интимни вечери“. Не крие дека освен што ужива да биде во кујна, ужива и пред камерите.

Дамјан Цветановски е надежен актер од помладата генерација кој умее многу вешто да се трансформира и умешно да го користи гласот како моќно актерско орудие. Од неодамна Цветановски стана и дел од тимот на „Светот на Биби“ позајмувајќи го гласот на Боби во српската верзија.

Публиката дише во еден здив на новата претстава на Драмски театар - „Мојот маж“ на режисерката Нела Витошевиќ. Мисијата на секое театарско дело е да допре до публиката и да предизвика реакција, да ја насмее, да ја замисли, да ја расплаче во случајот на последната премиера. „Мојот маж“ го постигна тоа!