Комисијата за спроведување на Европската олимпијада по физика, по официјалната церемонија за затворање на олимпијадата, изврши корекција на границите за доделување медали во конечните резултати објавени на веб-страницата на Европската олимпијада и со оваа корекција ученикот Матеј Гелев сепак добива бронзен медал, соопшти Друштвото на физичарите на Република Македонија (ДФРМ)

Со ова, македонскиот тим освои два сребрени и два бронзени медали на 7. Европска олимпијада по физика 2023, одржана во периодот 16-20 јуни 2023 година во Хановер, Германија.

Колку за потсетување, на оваа олимпијада Јан Стојановски, ученик во трета година во ПСУ „Јахја Кемал“ - Скопје, и Мајкл Георгиевски, ученик во четврта година во СОУ Гимназија „Добри Даскалов“ - Кавадарци, освоија сребрен медал. Емилија Николовска, ученичка во трета година во Математичко - информатичка гимназија - Скопје, освои бронзен медал, а учествуваше и достојно го покажа своето знаење и Дамјан Стојанов, ученик во втора година во ПСУ„ Јахја Кемал“ - Скопје.