Од 13 до 17 јуни 2025 година во Софија, Бугарија, се одржа 9. Европска олимпијада по физика (EuPhO), од која македонскиот тим се враќа со бронзен медал и пофалници, соопштија од Друштвото на физичарите на Македонија.
Оттаму истакнуваат дека бронзен медал освоил Дамјан Стојанов, кој е IV година во ПСУ „Јахја Кемал“ во Скопје, а со пофалници се враќаат Искра Нечаковска (III година, СОУ „Јосип Броз-Тито“, Битола) и Андреј Стојановски (IV година, ПСУ „Јахја Кемал“, Скопје).
Членови на тимот беа и Матеа Митревска – IV година, ПСУ „Јахја Кемал“, Скопје и Михаил Шапчески – III година, ПСУ „Јахја Кемал“, Скопје.
Водачи на тимот беа м-р Христијан Кочанковски, претседател на Комисијата за натпревари при ДФРМ, и Јан Стојановски, студент на Институтот за физика и поранешен олимпиец.
Фото: ДФРМ