Со неверојатен дизајн кој вклучува бујно зеленило и терасовидни градини, сингапурската зграда „Пан пацифик Орчард“ е прогласена за најдобрата висока зграда во светот од Советот за високи згради и урбано живеалиште.
Дизајниран од ВОХА со седиште во Сингапур, околу концептoт „хотел во природа“, свежиот пристап на дизајнот на отворено му ја донесе оваа награда.
Хотелот е центриран околу четири терасовидни небесни градини со индивидуални мотиви: шума, плажа, градина и облак. Не само што ова им овозможува на гостите да уживаат во различни удобности, туку и создава простор за индивидуални пејзажи.
Фото: Pan Pacific Orchard
На приземје, терасата наречена „шума“ е единствената видлива за јавноста и е исполнета со густо зеленило и импресивна каскадна водна карактеристика. Терасата „плажа“ располага со мирна лагуна опкружена со палми. Гостите се поканети да се прошетаат по патеките на терасата „градина“ и да уживаат во специјални настани со поглед кон градот на терасата „облак“.
Терасите функционираат на начин што ја ублажуваат топлината на Сингапур преку подобра вентилација и намалување на потребата од механички системи за ладење.
Голем дел од 347. соби на хотелот имаат балкони со поглед кон природата, со што гостите можат да уживаат во неа додека престојуваат во раздвижениот трговски кварт во Сингапур.
Фото: Pan Pacific Orchard
- Веруваме во создавање живи згради интегрирани со природата, како и урбано ткиво на градовите што ги населуваат. Оваа градба ја претставува нашата посветеност да градиме и за луѓето и за планетата - изјави Мун Сам Вонг, директор на ВОХА.
Тој додава дека овој проект докажува дека одржливоста и гостопримството можат да одат рака под рака и дека облакодерите можат да служат како зелени бели дробови во густите урбани средини.
Извор:
Mymodernmet.com
Фото: Pan Pacific Orchard