„Нинтендо Супер Марио Брос“ е една од најзначајните и најуспешни видеоигри, со повеќе од 58 милиони продадени примероци низ целиот свет. Дури и ако никогаш не сте ја играле оригиналната игра или некој од стотиците наслови што го опфаќаат пространиот универзум на Марио, несомнено сте го виделе Марио или неговиот брат Луиџи со нивните соодветни капи, комбинезони и мустаќи, како скокаат и кршат тули за да откријат моќни додатоци во форма на огнен цвет или супер печурки по патот.

Играта првпат беше објавена на 18 октомври 1985 година во Северна Америка. Пет години подоцна повеќе деца во САД го знаеле Марио отколку Мики Маус.

Суперпечурката стана еден од најзначајните симболи на целата франшиза.

- Во универзумот на Супер Марио има многу малку предмети што останале константни, а  печурките дефинитивно се едни од нив - вели Хавиер Табима Рестрепо, биолог за еволуција на габи на Универзитетот „Кларк“.

Печурката на Марио е многу реална

Во играта, допирањето суперпечурка не само што го трансформира Марио во Супер Марио, форма двојно повисока од неговата обична форма, туку му овозможува и да крши тули и да прима удари од непријатели или пречки пред да се врати во својата оригинална големина. Суперпечурката е првото засилување со кое се среќавате во целата игра и тоа веројатно не е случајно.

Суперпечурката во играта не изгледаше секогаш како црвената печурка со бели точки што ја поврзуваме со Марио денес. Оригиналното засилување беше портокалово со црвени точки и бело стебло. Речиси секоја печурка во експанзивниот свет на Марио е моделирана според реалната печурка Amanita muscaria. 

Помладите деца веројатно ја препознаваат и од „Мајнкрафт“, каде што дебитира во 2009 година. Многу од гејмерите биле шокирани кога дознале дека печурката на Марио, всушност, постои во реалниот живот.

Извор: popsci.com

Фото: Freepik/YouTube screenshot