Во рамките на редовните активности што ги презема Центарот за кариера, алумни и доживотно учење (КРЕДО центар) при Универзитетот „Св. Климент Охридски“- Битола, а во насока на поблиско запознавање на студентите со тековите во општеството, во изминатиот период беа организирани два настана наменети за промоција на Законот за практикантство и мерките за вработување.
Ваквите активности беа во коорганизација со Општина Битола, Агенцијата за вработување на Република Македонија, Младинскиот културен центар од Битола и Универзитетскиот студентски сојуз.
Настаните се одржаа на 24.2.2020 г. за студентите од Правниот факултет - Кичево, дисперзирани студии во Битола, и на 26.2.2020 г. за студентите од Факултетот за информатички и комуникациски технологии - Битола.
Покрај претставниците од Центарот за кариера, алумни и доживотно учење (КРЕДО центар) при Универзитетот „Св. Климент Охридски“-Битола, своја презентација имаа и директорот на Младинскиот културен центар од Битола, Златко Талевски, кој детално го образложи и објасни Законот за практиканство, како и можностите и обврските на компаниите и студентите, и директорката на Агенцијата за вработување на Република Македонија, Јешим Сејфуловска, која ги презентира можностите и начините како може нашите студенти да ги искористат програмите што како мерки за вработување ги нуди агенцијата.
Ценејќи според отворената дискусија, настанот предизвика голем интерес кај студентите, што како повод нè обврза да се организираат и други вакви настани и на другите единици на Универзитетот.
(Комерцијална објава)