Мостот во близина на Да Нанг, Виетнам ги воодушеви посетителите со својот елегантен дизајн.

Познат како „Златниот мост“, мостот стои на 1.400 метри надморска височина над ридовите Ба На и нуди прекрасен поглед кон околните села. златната обоена патека е наредена со виолетови хризантеми и се протега речиси 150 метри со неговиот елегантен дизајн. Всушност, извајаните раце даваат вистинско воодушевување. Дизајнот за мостот е дело на архитектноската компанијата „ТА Лендскејп“. Иако изгледа дека рацете се направени од камен, всушност не се.

-Го дизајниравме „скелетот“ на рацете и ги покривме со челични мрежи. Завршивме со фиберстакло. Целата конструкција на мостот траеше околу една година - вели претставник од компанијата.

Виетнам доживеа туристички бум бидејќи сѐ поголем број на луѓе ја откриваат убавината на оваа извонредна земја.