Изминатава година сите ја прогласивме за една од најлошите, ако не и најлоша во нашиот животен век. Ни се чинеше дека сè што можеше да тргне на лошо, тргна. Сите рефлектори на сцената се фокусираа само на здравјето и сите се преокупиравме со коронавирусот.

А за да го зачуваме здравјето, секако, најважна е науката. Тимот на Факултети.мк постојано се труди да ги пренесе најважните и најрелевантните информации поврзани со науката, иако мораме да признаеме дека годинава тоа не беше лесна задача со оглед на скептичноста што завладеа насекаде, па и кај нашите читатели.


Првото место годинава го зазема што друго, ако не текст за коронавирус. Најчитаниот текст од областа на науката е „Што му прави коронавирусот на телото - орган по орган“. Овој текст беше објавен уште во почетоците на пандемијата, но привлече големо внимание.

На второто место се најде текстот „Колку долго заболените од Ковид-19 може да бидат заразни?“, а третото место го зазеде „Математиката поврзана со пандемијата што секој треба да ја разбере“.

Четврти најчитан текст од областа на науката е „Кога е безбедно да се биде во близина на некој што закрепнал од Ковид-19? Еве што велат експертите“, а на петтото место се најде текстот „Пред 40 години Карл Сејган со картон и стапчиња покажал дека Земјата не е рамна“.

Доколку сте пропуштиле некој од нив, слободно можете сега да го прочитате, а доколку веќе ви се прочитани, може да се потсетите. Се надеваме дека следната годишна компилација ќе биде поразновидна и повесела.