Постојат повеќе начини да се гледаат филмови бесплатно на интернет, и тоа легално. „Мешбал“ направи листа со вакви платформи кои нудат бесплатни филмови на интернет.

„Крекл“ (Crackle)

Станува збор за платформа за видео од „Сони“ која нуди бесплатни филмови. Лошата страна на платформата е тоа што треба да гледате реклами на секои 20 минути во текот на филмот.

„Јутјуб“ (YouTube)

Верувале или не, може да гледате филмови на „Јутјуб“ бесплатно. Платформата има соработка со некои филмски студија за бесплатно да прикажува филмови со реклами. Повеќето од овие филмови се стари.

„Року ченл“ (Roku channel)

Доколку поседувате уред на „Року“, може да пристапите до „Року ченл“, кој прикажува бесплатни филмови и серии со реклами.

 „Вуду“ (Vudu)

Оваа платформа за изнајмување филмови се наплаќа, но постои опција за бесплатно гледање на некои постари филмови доколку гледате и реклами.

„Туби“ (Tubi)

Оваа платформа има над 40.000 филмови и серии кои може да се гледаат бесплатно. Сепак, гледачите треба да гледаат и реклами во текот на филмот.

Извор: Mashable
Насловна фотографија: Pixabay