Самитот на лидери за климатските промени завршува оваа недела во Париз. Моментално во тек се преговорите за изработка на документ со кој државите би се обврзале на план за спречување на глобалното загревање.
Експертите велат дека глобалното загревање веќе предизвикува големи проблеми во светот, а доколку истото не се стопира, во иднина ни се заканува вистинска еколошка катастрофа.
Едно видео наречено „Добредојдовте на планетата 2050!“ покажува како би изгледала нашата планета доколку глобалното загревање предизвика зголемување на глобалната температура за 3,5 целзиусови степени, како што се предвидува.