Во текот на Првата светска војна САД почнале да се грижат за писменоста на своите војници. На илјадници војници им било тешко да ги прочитаат основните упатства за воени задачи. Иако воената писменост не била основен критериум за еден војник да биде примен во војска, военитe тестови за интелигенција и писменост биле дел од психолошките испитувања на новите регрути.

Овие необични тестови се состоеле од едноставни прашања на кои се одговарало со „да“ или „не“, а одговорите често биле очигледни. Според извештајот на американските хирурзи од 1921 година, „Психолошки испитувања во армијата на САД“, редактиран од психијатарот Роберт Јеркес, тестовите за интелигенција што се користеле во армијата во тоа време биле критикувани поради расна и културна пристрасност.

Некои од прашањата во тестовите за писменост денес изгледаат доста чудно. Еве неколку примери:

Дали вистинската среќа е непроценливо богатство?
Дали успехот обично носи задоволство?
Дали момчињата сакаат да си играат?
Дали вработените уживаат во одморот?
Дали е нужно секој човек да ја изгуби својата слобода поради криминални дела?

Некои прашања навистина отвораат простор за дебата. На пример, „Дали сите бракови завршуваат среќно?“ Ова прашање би можело да предизвика долги дискусии.

Некои прашања не ја тестираат толку писменоста колку што се тестови на културни познавања. Прашањата како Дали зборовите „деминутивен“ и „лилипутанец“ се речиси идентични? не се вистински тестови за писменост, туку за тоа дали сте ја читале книгата „Гуливеровите патувања“, што не изгледа како нешто што ќе ви помогне да се борите во војна.

Листа со прашања од тестот за писменост на Девенс

Дали кучињата лаат?
Дали јагленот е бел?
Дали можете да гледате?
Дали мажите јадат камења?
Дали момчињата сакаат да си играат?
Дали може креветот да трча?
Дали книгите имаат раце?
Дали мразот е топол?
Дали ветровите дуваат?
Дали сите девојки имаат исто име?
Дали топлата облека е добра за во зима?
Дали оваа страница од хартија е бела?
Дали билетите за воз се бесплатни?
Дали секоја млада жена е наставничка?
Дали срцето е внатре во телото?
Дали службениците уживаат во одмор?
Дали претседателот е јавен функционер?
Дали би уживале ако го изгубите богатството?
Дали автомобилот понекогаш треба да се поправи?
Дали е важно да се запомнат наредбите?
Дали булеварите обично се асфалтираат со кислород?
Дали посакуваме сериозни проблеми?
Дали практичната пресуда е вредна?
Дали кариерата на човекот треба да биде уништена поради несреќи?
Дали препорачувате фалсификување?
Дали итна состојба бара непосредна одлука?
Дали чесноста треба да му донесе несреќа на човекот?
Дали точен човек постојано доцни?
Дали моменталните ефекти секогаш се брзи?
Дали почетното разочарување треба да ве охрабри?

И уште многу други прашања кои на некој начин тераат на размислување и отвораат интересни, понекогаш апсурдни дискусии.

Фото: Sergeant Marshall/Department of Defense, NARA // Public Domain | Sergeant Marshall/Department of Defense, NARA // Public Domain