Пандемијата на коронавирусот предизвика затворање на граници, одложување на летови, забрани за патување, карантин на градови, самоизолација на илјадници луѓе низ светот, намалување на цената на нафтата и што уште не.
Сателитските податоци над Северна Италија исто така покажаа голем пад на загадувањето на воздухот - конкретно азотниот диоксид што главно се испушта од автомобили, камиони и фабрики.
Но, што е со нашиот регион? Доколку ја погледнете листата на „Ер Вижуал“ каде што во живо се следи квалитетот на воздухот, ќе ви падне в очи застапеноста на балканските градови во најзагадените на светско ниво. Дури и за време на пандемија и намалени емисии, Балканот повторно се наоѓа меѓу местата со најзагаден воздух.
Така, Скопје се најде на 11. место со индекс на квалитет на воздухот (AQI) 125.
Фото: Air Visual (printscreen)
Полоши се Софија (Бугарија) со AQI 131, која се наоѓа на осмото место на табелата, и Сараево (Босна и Херцеговина) со AQI 145, кое се наоѓа на шестото место, а најлошо позициониран е Белград (Србија), кој ја зазема петтата позиција со AQI 149. Приштина (Косово), пак, е на 30. позиција со AQI 87.
На првото место на листата се најде Дака (Бангладеш) со AQI 186, а потоа следуваат Гуангџоу (Кина) со AQI 166, Ханој (Виетнам) со AQI 159 и Делхи (Индија) со AQI 154. Само два кинески града се најдоа меѓу десетте најзагадени во целиот свет.
Фото: Air Visual (printscreen)