Музејот за историја на науката во Оксфорд му посака „добре дојде“ на новиот тим од водичи од заедниците во кои арапскиот е мајчин јазик.

Тимот од 26 волонтери од Сирија, Ирак, Судан, Зимбабве и Оман на својот мајчин јазик ќе води тури за бегалци, но и за локални жители со арапско потекло.

Целиот проект е идеја на самиот музеј, но и на музејот „Пит Риверс“, со цел создавање можности луѓето да се поврзат на што подобар и полесен начин.

Проектот е наречен „Мултака“, што на арапски значи место за средба.

- Во текот на претходните седум години подобро разбравме која улога може да ја имаат музеите во поддржувањето на социјалната инклузија и сега можеме да соработуваме со локалните организации за да ги поддржиме заедниците во Оксфорд. Освен што нуди пракса, проектот нуди и лична поддршка, како што е чувството за инклузија - истакнува Никола Брд, проект-менаџер.