„Фејсбук“ започна со тестирање на нов начин на кој корисниците би можеле да го споделат своето мислење на популарната социјална мрежа, а тоа се аудио статуси. Функцијата почна да се појавува кај многу корисници во Индија и изгледа како да е наменета за пазари каде порадибројни пишани јазици се уште не може да се направи универзална тастатура.


Функцијата се вика „Add voice clip“ или „додај аудио запис“, а со нејзе може да се сними кратка изјава и да се објави како класична објава.

-Секогаш даваме се од себе за да им помогнеме на луѓето да се поврзат со пријателите и роднините на „Фејсбук“ на начин кој им е автентичен. Аудио записите овозможуваат нов медиум преку кој луѓето може да се изразуваат - велат од компанијата.

Се уште не е познато кога оваа функција ќе стаса и кај нас, но очигледно се уште е во фаза на развивање и тестирање. Ако се покаже како популарна, со радост можеме да  кажеме дека ќе можеме на „Фејсбук“ да објавуваме навивање на натпревари или пак песни кои во моментот сме ги чуле на радио.