Во последно време сè почесто во јавноста го слушаме изразот „меинстрим медиуми“, но малкумина знаат што значи тоа и кои се нивните сопственици.

Според дефиницијата, меинстрим медиуми се медиумите кои влијаат на најголем број луѓе и кои се способни да го креираат јавното мислење.

Колкава моќ имаат меинстрим медиумите, најдобро кажува изјавата на познатиот философ, Ноам Чомски:

„Големите медиумски корпорации какви што се Си-Би-Ес или Њујорк Тајмс, ги изнесуваат своите приказни во јавноста, а тие приказни ги преземаат и ги шират помалите медиуми кои немаат ресурси да се занимаваат со темите на свој начин. Најголемите меинстрим медиуми, преку своите канали, од типот на новинарските агенции Асошиејтед Прес и Ројтерс, го наметнуваат своето мислење на другите медиуми, кои свесно или несвесно го шират нивното влијание.“

Меѓутоа, тоа што загрижува е одговорот на прашањето: Кои се сопствениците на најголемите и највлијателните медиуми во светот?

Одговорот е застрашувачки

Верувале или не, речиси 90% од најголемите медиуми во Америка се во сопственост на шест корпорации.
Американските корпорации Џенерал електрик, Њуз корп., Дизни, Виаком, Тајм Ворнер и Си-Би-Ес, поседуваат 90 проценти од медиумското небо во САД и западна Европа.

Во нивна сопственост се Си-Ен-Ен, Фокс, Еј-Би-Си, Гардијан, И-Ес-Пи-Ен, Ен-Би-Си, Јуниверзал, Ејч-Би-О, Ем-Ти-Ви, Ви-Ејч-Уан, Телемундо...

За споредба, истиот број медиуми во 1983 година биле во сопственост на 50 компании, а денес тој број се намалил на шест.

Кога станува збор за луѓето, може да се каже дека петнаесет милијардери или цели „фамилии“ ги контролираат наведените корпорации и остатокот влијателни медиуми.

Мајкл Блумберг, Руперт Мардок, Доналд и Семјуел „Си“ Њухаус, семејството Кокс, Џеф Безос, Џон Хенри, Шелдон Аделсон, Џо Мансуето, Мортимер Цукерман, семејството Барби, Стенли Хабард, Патрик Сун-Шионг, Карлос Слим, Ворен Бафет и Виктор Векселберг се сопствениците на медиумите во Америка, па и во светот, на начинот што го опиша Чомски на почетокот од текстов.