Минатиот септември Европскиот парламент ја изгласа дискутабилната Директива за авторски права, чија цел е да ги ажурира правилата за авторски права за интернет-ерата, но критичарите велат дека на крајот ќе го уништат интернетот.

Како што завршуваат преговорите за Директивата, „Гугл“ издаде необично предупредување за тоа колкава штета би направиле новите закони, објавувајќи како ќе изгледаат резултатите од пребарувањето кога законот ќе стапи во сила.

Всушност, „Гугл“ објави слика на празна страница за резултатите од пребарувањето на најновите вести. Една од контроверзните ставки на Директивата, членот 11, на издавачите им дава право да наплаќаат лиценца за прикажување исечоци од своите вести. „Гугл“ го толкува овој закон на два начина - или ќе почнат да се наплаќаат лиценците или нема воопшто да се прикажува исечокот. Во овие тест-скриншоти, „Гугл“ демонстрира како би изгледал интернетот кога не би се плаќале лиценци за исечоци.

This is what Google search will look like after EU copyright law
Google shared a sample image of how the new Copyright law will affect its search. Google has issued a warning about the damage the directive might do in an unusual format: an empty search results page.#GoogleAlerts pic.twitter.com/Bo1ig7tZ66

— KNineVOX (@KNineVox) January 18, 2019

На скриншотите им недостигаат слики и поврзани вести, а на другите скриншоти се видливи само насловите. На сликата недостига и сето она што е важно за пребарувањето, освен натписите за која страница станува збор и кога е објавена веста. На блог-пост објавен минатиот декември потпретседателот на „Гугл“ за вести, Ричард Гинграс, го објасни нивниот став кон член 11. Тој смета дека со воведувањето на законот ќе бидат погодени повеќето издавачи, а „Гугл“ би бил принуден да избере „победници и губитници“ кога ќе се плаќа содржината.