Најискусните математичари на светот, потрошиле декади обидувајќи се да го решат математички проблем (Гаусова корелација на нееднаквост) и одеднаш, од никаде се појавува пензиониран германски статистичар кој успеал во тоа.


Но, наместо да биде признаен од математичкиот свет, тој останува незабележан. Математичкиот проблем бил прв пат зададен во 1950 година, а гласи вака: Ако две форми се преклопат, како на пример правоаголник и круг, веројатноста за удирање на едната од преклопените фигури, со мала стрела (пикадо) ги зголемува шансите за погодување и на другата.

Замислете го ова на следниот начин: имате син правоаголник и жол круг и ги местите еден над друг и обележувате цел во средината како на табла за пикадо. Фрлате стрели во средината и дознавате дека бела нормала (Гаусова дистрибуција) на позиции се формира околу центарот, со поголемото мнозинство на стрели поставени на преклопувањето. Но, не е само поголемото мнозинство, туку специфично мнозинство кое е право пропорционално со бројот на стрели надвор од преклопените форми.

Гаусовата корелација на нееднаквост тврди дека веројатноста стрелките да го погодат комбинираниот круг и правоаголник се секогаш високи или повисоки од веројатноста тие да завршат внатре во правоаголникот помножени со веројатноста да завршат во внатрешноста на кругот.

Иако тоа звучи како нешто логично, сепак е многу тешко да се докаже математички. Томас Ројен, уште во 2014 го пронашол доказот и тврдел дека го запишал во „Word“ документ и го објавил на веб страницата „arXiv.org“.

Доказот на Ројен бил испратен до „Bo'az Klartag“ од  „ Weizmann Institute of Science and Tel Aviv University“ во Израел во 2015 година, заедно со уште два докази. Доказите набрзо биле заборавени. Потоа Ројен го испраќа доказот во весник „Far East Journal of Theoretical Statistics“, каде што стои на масата на уредникот 12 месеци. За среќа, двајца полски математичари убедени од страна на Ројен, пишуваат своја верзија до доказот и го објавуваат на „arXiv.og“.

Покрај сета голгота се поставува прашањето, како до сега математичката фела дозволила решението на Ројен да остане незабележано? Многумина сметаат дека причината е недостиг на комуникација во тој период, но сега се среќни што конечно доказот е објавен и математичкиот проблем е решен.