Од далеку, на почеток тешко е да се одреди што всушност е Санта Круз дел Илоте. Појавувајќи се од морето, островот, еден од најгусто населените во светот, се чини дека лебди.

Всушност, Санта Круз, лоциран на архипелагот Сан Бернардо во заливот Моросикило, лежи на комбинација од подигнатиот морски брег и корали. Тоа е еден од 10-те острови во архипелагот.

Легендата вели дека рибарите од блиските острови ја поминале ноќта во Санта Круз и одлучиле да останат таму засекогаш кога сфатиле дека нема комарци. Локалните жители сметаат дека нема комарци затоа што нема мангрови и плажи.


Се чини како островот да излегол од роман на Габриел Гарсија Маркез, а освен тоа, жителите на овој остров живеат невин начин на живот (нема полиција на островот), а шарените куќи се пренесуваат од генерација на генерација, така што не постојат жители преселени од други места.

Некои проценки велат дека околу 1.200 жители живеат на малиот остров, кој е голем колку две фудбалски игралишта. Сепак, како што вели Џуве Нил, станува збор за доста мала заедница.

-Честопати се нервираме бидејќи медиумите секогаш велат дека островот е пренаселен - вели Нал, лидер на заедницата, туристички водич и портпарол.

Сепак, без разлика на бројот на населението (кој не се знае бидејќи немало попис со децении), Санта Круз е доста тесен.


Неодамнешното партнерство со хотелот Пунта Фаро резултираше со мал конзерваторски аквариум во Санта Круз. Претходно, локалните жители ги третирале желките на ист начин како кокошките, убивајќи ги за месо. Сега, тие внимателно ги вадат желките фатени во нивните риболовни мрежи и се грижат за нив додека не дојде хотелскиот конзерваторски тим да ги собере

Туристите можат да платат и да го посетат аквариумот во кој се наоѓаат ајкули, морски ѕвезди и риби.


-Тоа е вистински проблем во иднината. Ние бегаме од копно, но не знам каде е одговорот. Не можеме да продолжиме да градиме и да се развиваме - вели Нил.

Но жителите на Санта Круз не го сакаат вашето сожалување.

-Среќни сме. Каде на друго место во светот нема потреба од полиција, каде на друго место можете да имате остров само за вашата мала заедница? Секој ден се будам од звукот и погледот на морето. Не би сакал да живеам на друго место - вели Нил.

Во посета на Санта Круз

Секој турист мора да плати 3.000 пезоси (1 долар) со самото пристигнување на островот. Од неодамна, како што вели Нал, се зголеми бројот на туристи, па честопати тие ги сликаат жителите како да посетуваат зоолошка градина.


Постои загриженост дека островот во иднина ќе биде жртва на зголемувањето на нивото на морето. Алехандро Алзате, генерален менаџер и ко-сопственик на Пунта Фаро, вели дека Санта Круз редовно доживува поплави, а постои и ризик еден ден да исчезне.

-Локалните жители не сакат ни да слушнат за ова затоа што тоа значи дека еден ден ќе мораат да се преселат. А животот во Санта Круз не може да се најде на ниту едно друго место. Луѓето се горди што живеат таму, тоа е повеќе од само заедница, тоа е култура, начин на живот - вели Алехандро Алзате.